தினை குழிப்பாணியாரம் - Thinai Kuzhi Paniyaram Recipe - Millet Recipes


print this page PRINT
சமைக்க தேவைப்படும் நேரம் : 10 நிமிடங்கள்
தேவையான பொருட்கள் :
  .  உப்பு - 1/4 தே.கரண்டி
  .  எண்ணெய் - தேவையான பொருட்கள்

தாளித்து சேர்க்க :
  .  எண்ணெய் -  1 மேஜை கரண்டி
  .  கடுகு, உளுத்தம்பருப்பு - தாளிக்க
  .  வெங்காயம் - 1 
  .  பச்சை மிளகாய் - 2
  .  கருவேப்பில்லை - 5 இலை

செய்முறை :
  .  வெங்காயம் + பச்சை மிளகாய் + கருவேப்பிலையினை பொடியாக நறுக்கி வைக்கவும், 

 . கடாயில் எண்ணெய் ஊற்றி தாளிக்க கொடுத்துள்ள கடுகு, உளுத்தம்பருப்பு போட்டு தாளித்து கொள்ளவும். அத்துடன் நறுக்கி வைத்துள்ள பொருட்கள் சேர்த்து 1 - 2 நிமிடங்கள் வதக்கவும்.


  .  வதக்கிய பொருட்கள் + உப்பு + இட்லி மாவு சேர்த்து கலந்து கொள்ளவும். 

  .  குழிபாணியார கல்லினை சூடுபடுத்தி கொள்ளவும். அனைத்து குழியிலும் சிறிது எண்ணெய் ஊற்றி கொண்டு அதில் கலந்து வைத்து இருக்கும் மாவினை ஊற்றவும்.


  .  1 -2 நிமிடங்கள் கழித்து 1 பக்கம் நன்றாக வெந்த பிறகு அதனை திருப்பி போட்டு மேலும் சிறிது நேரம் வேகவிடவும்.

  .  சுவையான சத்தான குழிபாணியரம் ரெடி.



தேங்காய் மசாலா இடியாப்பம் - Masala Idiyappam Recipe - Instant Breakfast Ideas


print this page PRINT
எளிதில் செய்ய கூடிய மசாலா இடியாப்பம் ....

நீங்களூம் செய்து பார்த்துவிட்டு உங்கள் அன்பான கருத்தினை தெரிவிக்கவும்....

செய்ய தேவைப்படும் நேரம் : 10 நிமிடங்கள்
தேவையான பொருட்கள் :
இடியாப்பம் - 10 - 12

அரைத்து கொள்ள :
   .  தேங்காய் துறுவல் - 1 கப்
   .  சின்ன வெங்காயம் - 5
   .  காய்ந்த மிளகாய் - 5 - 8 (காரத்திற்கு ஏற்ப)
   .  எலுமிச்சை சாறு - 1 மேஜை கரண்டி
   .  சோம்பு - 1/2 தே.கரண்டி
   .  உப்பு - தேவையான அளவு

தாளித்து சேர்க்க : (விரும்பினால் தாளித்து சேர்க்கவும்......)
   .  எண்ணெய் - 1 தே.கரண்டி
   .  தாளிப்பு வடகம் - 1/2 தே.கரண்டி
   .  கருவேப்பிலை - 5 இலை


செய்முறை :
.   சின்ன வெங்காயத்தின் தோலினை நீக்கிவிடவும். காய்ந்த மிளாயினை கடாயில் போட்டு 1 நிமிடம் வறுத்து கொள்ளவும். 

.   அதே கடாயில் எண்ணெய் ஊற்றி சோம்பு வறுத்து வைக்கவும்.



.   மிக்ஸியில் முதலில் காய்ந்த மிளகாயினை போட்டு நன்றாக பொடித்து கொள்ளவும்.

. அத்துடன் தேங்காய் துறுவல் + வெங்காயம் + சோம்பு சேர்த்து கொரகொரப்பாக அரைக்கவும். கடைசியில் சோம்பு + எலுமிச்சை சாறு + உப்பு சேர்த்து அத்துடன் கலக்கவும்.

.  தாளிக்கும் வடக்கத்தினை எண்ணெயில் போட்டு தாளித்து அரைத்த கலவையுடன் சேர்த்து கலந்துவிடவும்.

.   அனைத்து பொருட்களையும் இடியாப்பத்துடன் சேர்த்து கலந்து பறிமாறவும்.

.   சுவையான மசாலா இடியாப்பம் ரெடி....



Linking this post to "Friendship 5 series" started by Geetha Achal & Savitha...


Omelet Quesadilla Recipe - Instant Breakfast Ideas


print this page PRINT
எளிதில் செய்ய கூடிய சத்தான காலை நேர உணவு. இதில் காய்கள் , முட்டை , Tortilla எல்லாம் சேர்த்து செய்வதால் உடலிற்கு தேவையான Carbs, Protein, Vitamins & Minerals கிடைக்கின்றது.

எப்பொழுதும் பச்சை குடைமிளகாய் மட்டும் சேர்க்காமல் அனைத்து கலர் குடைமிளகாயினையும் சேர்த்து கொள்ளவும். கலர் குடைமிளகாயில் சத்துகள் கூடுதலாக இருக்கின்றது.

Multigrain Tortilla பயன்படுத்தினால் மிகவும் நன்றாக இருக்கு

நீங்களூம் செய்து பார்த்துவிட்டு உங்கள் அன்பான கருத்தினை தெரிவிக்கவும்.,..

சமைக்க தேவைப்படும் நேரம் :8 -  10 நிமிடங்கள்
தேவையான பொருட்கள் :
  .  Tortilla - 1 பெரியது / 2 சிறியது
  .  முட்டை - 2
  .  குடைமிளகாய் - 2 - 3 மேஜை கரண்டி பொடியாக நறுக்கியது
  .  வெங்காய தாள் - 1 பொடியாக நறுக்கியது
  .  உப்பு , Cheese - சிறிதளவு
  .  எண்ணெய் - தேவையான அளவு


செய்முறை ;
  .  குடைமிளகாய் + வெங்காய தாளினை சுத்தமாக கழுவி கொண்டு அதனை மிகவும் பொடியாக நறுக்கி வைக்கவும். 
(நான் இதில் அனைத்து வித கலர் குடைமிளகாயினையும் சேர்த்து செய்து இருக்கின்றேன். அவரவர் விருப்பத்திற்கு ஏற்ப காய்கள் சேர்த்து கொள்ளவும். )


  .  முட்டையினை உடைத்து அதனை ஒரு பாத்திரத்தில் ஊற்றி அத்துடன் 1 மேஜை கரண்டி தண்ணீர் சேர்த்து, Fork வைத்து நன்றாக அடித்து கொள்ளவும். 

(கவனிக்க : கண்டிப்பாக தண்ணீர் / பால் சேர்த்து Fork வைத்து கலக்கினால் தான் Omelet மிகவும் Fluffyயாக நன்றாக வரும். )


  .  இத்துடன் நறுக்கி வைத்துள்ள காய்கள் + தேவையான அளவு உப்பு சேர்த்து கலந்து கொள்ளவும். 


  .  Omelet Panயினை சூடுபடுத்தி கொண்டு அதில் சிறிது எண்ணெயினை Brush செய்து கொள்ளவும்.

  .  அதில் கலந்து வைத்து இருக்கும் கலவையினை ஊற்றி மிதமான தீயில் வேகவிடவும்.


 .  ஒரு பக்கம் வெந்த பிறகு அதனை திருப்பி போட்டு மேலும் 1 நிமிடம் வேகவிடவும். இப்பொழுது ஆம்லெட் ரெடி.

  .  தோசை கல்லினை காயவைத்து கொள்ளவும். அதில் சிறிது எண்ணெயினை Brush செய்து அதில் Tortillaவினை வைக்கவும்.



  .  அதன் ஒரு பகுதியில் ஆம்லெட், சீஸ் என்று வைத்து  அப்படியே 30 Seconds  வைக்கவும்.

  .  பிறகு Tortillaவினை மடக்கிவிட்டு மேலும் 30 Seconds வேகவிடவும்.


 .  இப்பொழுது  Omelet Quesadilla ரெடி. இதனை வெட்டி சிறிய துண்டுகளாக பறிமாறலாம். 



Linking this post to "Friendship 5 series" started by Geetha Achal & Savitha...



இட்லி புட்டு - Instant Idli Puttu Recipe - Instant Breakfast Ideas


print this page PRINT
இது எளிதில் செய்ய கூடிய புட்டு. மீதமான இட்லியில் எப்பொழுது இட்லி உப்புமா செய்யாமல், ஒரு மாறுதலாக இதில் புட்டு செய்தேன்...

நீங்களூம் செய்து பார்த்துவிட்டு உங்கள் அன்பான கருத்தினை தெரிவிக்கவும்,,,

புட்டு செய்ய தேவைப்படும் நேரம் : 5 நிமிடங்கள்
தேவையான பொருட்கள் :
  .  மீதமான இட்லிகள் - 6
  .  தேங்காய் துண்டுகள் - 2 பெரியது 
  .  ஏலக்காய் - 2
  .  சக்கரை - 2 மேஜை கரண்டி
  .  நெய் - 1 தே.கரண்டி

செய்முறை :
  .  தேங்காய் துண்டுகள் + ஏலக்காய் சேர்த்து மிக்ஸியில் கொரகொரப்பாக அரைத்து வைக்கவும். (விரும்பினால் தேங்காயினை அரைப்பதற்கு பதிலாக துறுவி கொள்ளலாம். )


  .  மீதமான இட்லிகளை மிக்ஸியில் போட்டு 2 - 3 முறை Pulse Modeயில் அடித்து உதிர்த்து கொள்ளவும்.


  .  உதிர்த்து வைத்து இருக்கும் இட்லியினை Microwaveயில் வைத்து 1 நிமிடம் சூடுபடுத்தி கொள்ளவும்.


  .  இத்துடன் நெய் + தேங்காய் துறுவல் + சக்கரை சேர்த்து கலந்து கொள்ளவும்.


  .  சுவையான எளிதில் செய்ய கூடிய இட்லி புட்டு ரெடி. 



Linking this post to "Friendship 5 series" started by Geetha Achal & Savitha...

இன்ஸ்டண்ட் கோதுமை ரவா இட்லி - MTR Style Instant Wheat Rava Idli Recipe - Instant Breakfast Recipes


print this page PRINT
இது எளிதில் செய்ய கூடிய சத்தான காலை நேர சிற்றுண்டி. இந்த வாரம் Friendship 5 Seriesயில் Instant Breakfast Ideas என்ற தலைப்பில் குறிப்புகளை பார்க்கலாம்...

Instant ரவா இட்லி செய்யும் பொழுது கவனிக்க வேண்டிய சில,
எப்பொழுதும் Fine Wheat Rava / Ravaவினை பயன்படுத்தவும். Coarse Ravaவினை பயன்படுத்தினால் கூடுதலாக வேக நேரம் எடுக்கும். அதே மாதிரி தண்ணீரின் அளவிலும் வித்தியசம வரும்.

எப்பொழுதும் ரவை 1 பங்கு என்றால அதில் கண்டிப்பாக 1/2 பங்குக்கு மேல் தயிர் சேர்த்தால் தான் இட்லி நன்றாக வரும்.

பேக்கிங் சோடாவினை குறைந்தது 1/2 - 3/4 தே,கரண்டி சேர்த்தால் இட்லி மிகவும் சூப்பராக இருக்கும்.

அவரவர் விருப்பம் போல, தாளிக்கும் பொருட்களை சேர்க்கலாம். விரும்பினால் தாளிக்காமலும் இட்லி செய்யலாம்.

கலந்த மாவு ரொம்பவும் கெட்டியாக இல்லாமல் , அதே மாதிரி ரொம்பவும் தன்ணீயாக இல்லாமல் இருக்க வேண்டும். 

அதே மாதிரி ரவையினை வறுத்து / வறுக்காமலும் சேர்க்கலாம்.  இதே மாதிரி , காய்கறிகள் வைத்து செய்த Instant Oats Rava Idli / Instant Rava Idliயினையும் பார்க்கவும்...

கொடுத்துள்ள அளவில் செய்தால் 8 பெரிய இட்லிகள் வரும்.
        
நீங்களூம் செய்து பார்த்து உங்கள் அன்பான கருத்தினை தெரிவிக்கவும்.

சமைக்க தேவைப்படும் நேரம் : 15 நிமிடங்கள்
தேவையான பொருட்கள் :
  .  கோதுமை ரவை (Fine Wheat Rava)- 2 கப்
  .  தயிர் - 1 கப்
  .  தண்ணீர் - 1 கப் சிறிது கூடுதலாக (அதிகம் சேர்க்க வேண்டாம்)
  .  உப்பு - தேவையான அளவு
  .  பேக்கிங் சோடா - 3/4 தே.கரண்டி

தாளித்து சேர்க்க :
  .  முந்திரி - சிறிது அலங்கரிக்க (விரும்பினால்)
  .  எண்ணெய் - 1 மேஜை கரண்டி
  .  கடுகு - தாளிக்க
  .  உளுத்தம்பருப்பு - 1/4 தே.கரண்டி
  .  கடலைப்பருப்பு - 1/4 தே.கரண்டி
  .  இஞ்சி - 1/4 தே.கரண்டி பொடியாக நறுக்கியது
  .  பச்சை மிளகாய் - 2 (பொடியாக நறுக்கி வைக்கவும். )
  .  கருவேப்பில்லை - 5 இலை
  .  பெருங்காயம் - 2 சிட்டிகை
  .  மஞ்சள் தூள் - 1 சிட்டிகை அளவு விரும்பினால்


செய்முறை :
  .  தாளிக்கும் பாத்திரத்தில் எண்ணெய் ஊற்றி காய்ந்ததும், அதில் முதலில் முந்திரியினை போட்டு வறுத்து தனியாக வைத்து கொள்ளவும்.

  .  பிறகு அதில் தாளிக்க கொடுத்துள்ள பொருட்களில், கடுகு + கடலைப்பருப்பு + உளுத்தம்பருப்பு + இஞ்சி, பச்சை மிளகாய் , கருவேப்பிலை + பெருங்காயம் என்று ஒன்றின்பின் ஒன்றாக சேர்த்து தாளிக்கவும்,


 . இதில் கோதுமை ரவையினை சேர்த்து மேலும் 1 நிமிடம் வறுத்து கொள்ளவும். (விரும்பினால் ரவையினை வறுக்காமலும் சேர்த்து  கொள்ளலாம். )

  .  ரவையினை 2 - 3 நிமிடங்களில் ஆறவைத்து கொள்ளவும். ரவை ஆறும் சமயம், இட்லி பாத்திரத்தில் தண்ணீர் ஊற்றி சூடுபடுத்தவும். 

 .  ரவையுடன் தயிர் + தண்ணீர் சேர்த்து முதலில் கலக்கவும். அத்துடன் பேக்கிங் சோடா + தேவையான அளவு உப்பு சேர்த்து நன்றாக கலந்து கொள்ளவும்.


  .  இட்லி வேகவைக்கும் பாத்திரத்தில் முதலில் முந்திரியினை வைத்து அதன் மீது கலந்து வைத்துள்ள மாவினை ஊற்றவும்.


  .  இட்லி தட்டினை இட்லி வேகவைக்கும் பாத்திரத்தில் வைத்து தட்டு போட்டு மூடி 8 - 10 நிமிடங்கள் வேகவிடவும்.


  . சுவையான சத்தான இட்லி ரெடி. இதனை சட்னி, சாம்பாருடன் சேர்த்து சாப்பிட சுவையாக இருக்கும்.



Linking this post to "Friendship 5 series" started by Geetha Achal & Savitha...

மாப்பிள்ளை குருமா / சொதி - Mappillai Kurma Recipe - Sodhi Recipe - Chicken Kurma Recipe


print this page PRINT

இந்த குருமா செய்யும் பொழுது கவனிக்க வேண்டியவை,
இதில் மிளகாய் தூள் சேர்க்க தேவையில்லை.காரத்திற்கு  வெரும் பச்சைமிளகாய் மட்டுமே சேர்க்க வேண்டும்.

இதில் கரம் மசாலாவும் சேர்க்க கூடாது. அதே மாதிரி தாளிக்க பட்டை + சோம்பு மட்டும் தான் சேர்க்க வேண்டும்.

அதே மாதிரி, இதில் கடைசியாக கண்டிப்பாக தயிர் சேர்க்க வேண்டும். தயிர் சேர்ப்பதால் வித்தியசமாக கூடுதல் சுவையுடன் இருக்கும். தயிருக்கு பதிலாக விரும்பினால் எலுமிச்சை சாறு சேர்க்கலாம். ஆனால் சுவையில் வித்தியசாம இருக்கும்.

நான் இதனை சிக்கனில் செய்து இருக்கின்றேன். விரும்பினால் இதே மாதிரி காய்கள் / மட்டன் சேர்த்து செய்யலாம். மட்டனில் செய்வதாக இருந்தால் முதலில் மட்டனை வேகவைத்து சேர்க்கவும்.

ஊர்பக்கம் இந்த குருமாவினை மருவீட்டின் பொழுது மாப்பிள்ளையிற்கு செய்து கொடுப்பாங்களாம் ... நன்றி சவிதா....

நீங்களூம் செய்து பார்த்துவிட்டு உங்கள் அன்பான கருத்தினை தெரிவிக்கவும்...

சமைக்க தேவைப்படும் நேரம் : 30 நிமிடங்கள் 
தேவையான பொருட்கள் :
  .  சிக்கன் - 1/2 கிலோ
  .  தயிர் - 1/4 கப்
  .  கொத்தமல்லி, கருவேப்பிலை - சிறிதளவு
  .  எண்ணெய் - 1 மேஜை கரண்டி

பொடியாக நறுக்கி கொள்ள :
  .  வெங்காயம் - 1 பெரியது
  .  தக்காளி - 1
  .  பச்சை மிளகாய் - 5
சேர்க்க வேண்டிய தூள் வகை :
  .  மஞ்சள் தூள் - 1/2 தே.கரண்டி
  .  தனியா தூள் - 1 தே.கரண்டி
  .  உப்பு - தேவையான அளவு

நசுக்கி கொள்ள :
  .  பூண்டு - 5 பல் தோல் நீக்கியது
  .  பட்டை - 1 இன்ச் துண்டு
  .  சோம்பு - 1/2 தே.கரண்டி
வறுத்து அரைக்க :
  .  தேங்காய் துண்டுகள் - 2 துண்டுகள் நறுக்கியது
  .  இஞ்சி - 1 துண்டு
  .  பச்சை மிளகாய் - 3- 4
  .  கசாகசா - 1 தே.கரண்டி
  .  பொட்டுக்கடலை - 1 மேஜை கரண்டி


செய்முறை :
  .  வெங்காயம் + தக்காளியினை நறுக்கி வைக்கவும். பச்சைமிளகாயினை இரண்டாக வெட்டி கொள்ளவும். சிக்கனை சுத்தம் செய்து நன்றாக கழுவி கொள்ளவும்.

  .  நசுக்கி கொள்ள கொடுத்துள்ள பொருட்களை, பூண்டு + பட்டை  + சோம்பு சேர்த்து நசுக்கி வைக்கவும்.

  .  அதே மாதிரி, வறுத்து அரைக்க கொடுத்துள்ள பொருட்களில், தேங்காய் + இஞ்சி  + பச்சைமிளகாய்  + கசாகசா சேர்த்து வறுத்து கொள்ளவும்.


  .  வறுத்த பொருட்கள்  + பொட்டுக்கடலையுடன் சிறிது தண்ணீர் சேர்த்து மைய அரைத்து வைக்கவும்.


  .  பாத்திரத்தில் எண்ணெய் ஊற்றி காய்ந்ததும் அதில் நசுக்கி வைத்து இருக்கும் பூண்டு கலவையினை போட்டு வதக்கவும்,

  .  அதன் பிறகு, அதில் வெங்காயம் சேர்த்து சிறிது நேரம் வதக்கவும்.


  .  வெங்காயம் வதங்கிய பிறகு அதில், தக்காளி + பச்சை மிளகாய் சேர்த்து மேலும் 2 - 3 நிமிடங்கள் வதக்கவும்.


  . தக்காளி வதங்கியவுடன், அதில் சேர்க்க கொடுத்துள்ள தூள் வகைகள் சேர்க்கவும்.

  .  அத்துடன் சிக்கன் துண்டுகளையும் சேர்த்து நன்றாக கலந்து 1 - 2 நிமிடங்கள் வேகவிடவும்.


  .  பிறகு அதில் அரைத்த தேங்காய் விழுது +  2 கப் தண்ணீர் சேர்த்து நன்றாக வேகவிடவும்.


  .  தயிரினை மிக்ஸியில் போட்டு 3 - 4 முறை அடித்து கொள்ளவும். (இப்படி செய்வதால் தயிர் சேர்க்கும் பொழுது திரிந்த மாதிரி இருக்காது. )

  .  சுமார் 10 - 15 நிமிடங்கள் கழித்து சிக்கன் 90% வெந்த பிறகு,  தயிரினை சேர்த்து மேலும் சிறிது நேரம் கொதிக்கவிடவும்.


  .  கடைசியில் கருவேப்பிலை + கொத்தமல்லி தூவிவிடவும்.

  .  சுவையான மாப்பிள்ளை குருமா ரெடி. இதனை சாதம், இட்லி, தோசையுடன் சேர்த்து சாப்பிட சுவையாக இருக்கும்.


Related Posts Plugin for WordPress, Blogger...