ராஜ்மா புளி அடை - Rajma Puli Adai Recipe - Red Kidney Beans Dosai - Healthy Dosai / Adai Recipes


print this page PRINT
ராஜ்மாவில் அதிக அளவு நார்சத்து (Both Soluble and Insoluble Fiber) இருப்பதால் Diabetics, Cholesterol அளவினை குறைக்க உதவுகின்றது.

அதே மாதிரி இதில் Protein,Copper,  Folate, Manganese, Iron, Potassium, Phosphorus, Magnesium , Vitamin B1 இருக்கின்றது.

இதனை அப்படியே அரைத்து தோசைகளாக சுடலாம். இதில் புளி சேர்ப்பதால் கூடுதல் சுவையுடன் இருக்கும்.

இதே மாதிரி எந்த பருப்பு வகைகளிலும் / அடை மாவு / தோசை மாவிலும் செய்யலாம். மிகவும் நன்றாக இருக்கும்.

நீங்களும் செய்து பார்த்துவிட்டு உங்கள் அன்பான கருத்தினை தெரிவிக்கவும்...

ஊறவைக்க தேவைப்படும் நேரம் : குறைந்தது 4 - 5 மணி நேரம்
சமைக்க தேவைப்படும் நேரம் : 10 நிமிடங்கள்
தேவையான பொருட்கள் :
  .  ஊறவைத்த ராஜ்மா - 2 கப்
  .  இட்லி அரிசி - 1/2 கப் (or) அரைத்த இட்லி மாவு - 1 கப்
  .  காய்ந்த மிளகாய் - 3- 4
  .  புளி - 1 சிறிய நெல்லிக்காய் அளவு
  .  உப்பு - தேவையான அளவு
  .  எண்ணெய் - சிறிதளவு


செய்முறை :
  .  ராஜ்மாவினை குறைந்தது 4 - 5 மணி நேரம் ஊறவைத்து கொள்ளவும். இட்லி அரிசியினையும் அதே மாதிரி ஊறவைத்து கொள்ளவும்.


  .  ராஜ்மா நன்றாக ஊறிய பிறகு அதனை தண்ணீர் வடித்து அத்துடன் காய்ந்த மிளகாய் + புளி சேர்த்து மைய அரைத்து கொள்ளவும்.


 . அரிசி + சிறிது தண்ணீர் சேர்த்து மிக்ஸியில் போட்டு மைய அரைத்து வைக்கவும்.

  .  இரண்டு கலவையினையும் தேவையான அளவு உப்பு சேர்த்து தோசை மாவு பதத்திற்கு கலந்து வைக்கவும். (கவனிக்க : மாவினை புளிக்க வைக்க தேவையில்லை. அப்படியே தோசை சுடலாம். )


. தோசை கல்லினை சூடுபடுத்து கொள்ளவும். கல் நன்றாக சூடான பிறகு அதில் மாவினை ஊற்றி தோசைகளாக சுடலாம். (கவனிக்க : இது அடை மாதிரி ரொம்ப Thickஆக ஊற்ற தேவையில்லை. தோசை மாதிரியே மெல்லியதாக சுடலாம். )

. ஒரு பக்கம் நன்றாக வெந்த பிறகு அதனை திரும்பி போட்டு மேலும் வேகவிடவும்.


. சுவையான சத்தான அடை ரெடி. இதனை அப்படியே சாப்பிடலாம். விரும்பினால் சட்னி சேர்த்து சாப்பிடலாம்.


பெப்பர் ஈரல் வறுவல் - Chicken Liver Varuval Recipe - Pepper Liver Fry


print this page PRINT

இதில் கண்டிப்பாக Freshly Grounded Pepperயினை பயன்படுத்தினால் ரொம்ப நன்றாக கரமாக இருக்கும்.

அதே மாதிரி இஞ்சி பூண்டினை Paste மாதிரி அரைக்காமல் இஞ்சி பூண்டின் நசுக்கி சேர்த்தால் கூடுதல் சுவையுடன் இருக்கும்.

நான் இதில் ஈரலினை முதலில் வேகவைத்த பிறகு மசாலாவில் சேர்த்து இருக்கின்றேன். விரும்பினால் வேகவைக்காமல் அதனை அப்படியே மசாலாவில் சேர்த்து பிரட்டி வேகவிடலாம்.

இதில் தக்காளி சேர்க்க தேவையில்லை. அவரவர் காரத்திற்கு ஏற்ப மிளகு தூளினை சேர்க்கவும்.

நீங்களூம் செய்து பார்த்துவிட்டு உங்கள் அன்பான கருத்தினை தெரிவிக்கவும்...

சமைக்க தேவைப்படும் நேரம் : 20 - 30 நிமிடங்கள்
தேவையான பொருட்கள் :
  .  ஈரல் - 1/4 கிலோ
  .  வெங்காயம் - 2 
  .  பூண்டு - 10 பல் தோல் நீக்கியது
  .  இஞ்சி - 1 துண்டு
  .  கருவேப்பிலை, கொத்தமல்லி - சிறிதளவு

சேர்க்க வேண்டிய தூள் வகைகள் :
  .  மஞ்சள் தூள் - 1/2 தே.கரண்டி + 1/2 தே.கரண்டி
  .  மிளகாய் தூள் - 1 தே.கரண்டி 
  .  உப்பு - தேவையான அளவு
-----------------------------------------------
  .  மிளகு தூள் - 2 தே.கரண்டி
  .  சோம்பு தூள் - 1/2 தே.கரண்டி

முதலில் தாளிக்க :
  .  எண்ணெய் - 1 மேஜை கரண்டி
  .  சோம்பு - 1/4 தே.கரண்டி


செய்முறை :
  .  ஈரலினை விரும்பிய அளவில் வெட்டி அதனை குறைந்தது 5 - 6 முறை தண்ணீரில் போட்டு நன்றாக சுத்தமாக அலசி கொள்ளவும். 

  .  ஈரலுடன் மஞ்சள் தூள் 1/2 தே.கரண்டி + 1 /2 தே.கரண்டி உப்பு சேர்த்து கலந்து கொள்ளவும்.

  .  இட்லி வேகவைப்பது போல , இந்த ஈரலினையும் இட்லி தட்டில் வைத்து 5 - 6 நிமிடங்கள் வேகவைத்து கொள்ளவும். (கவனிக்க : இந்த Step Optional தான். ஆனால் இப்படி செய்தால் ஈரல் மிகவும் பயங்கர Smell அடிக்காது. )


 . வெங்காயத்தினை நறுக்கி கொள்ளவும். இஞ்சி + பூண்டினை தட்டி வைக்கவும். (குறிப்பு : Ginger Garlic Pasteஆக செய்யாமல் இப்படி தட்டி செய்வது கூடுதல் சுவையினை தரும்.)


  .  கடாயில் எண்ணெய் ஊற்றி சோம்பு சேர்த்து தாளித்து அத்துடன் நசுக்கிய இஞ்சி பூண்டினை சேர்த்து வதக்கவும்.


 . இஞ்சி பூண்டு வதங்கிய பிறகு அத்துடன் நறுக்கி வைத்துள்ள வெங்காயத்தினை போட்டு 2 நிமிடங்கள் வதக்கவும்.

  .  இத்துடன் மஞ்சள் தூள் + மிளகாய் தூள் + தேவையான அளவு உப்பு சேர்த்து மேலும் நன்றாக 7 - 8 நிமிடங்கள் வதக்கவும். 


  .  பிறகு அதில் கருவேப்பிலை + வேகவைத்த ஈரலினை சேர்த்து நன்றாக கலந்து மேலும் 2 - 3 நிமிடங்கள் வதக்கவும்.


  .  கடையில் மிளகு தூள் + சோம்பு தூள் சேர்த்து மேலும் 2 - 3 நிமிடங்கள் வேகவிட்டு பொடியாக நறுக்கிய கொத்தமல்லி சேர்த்து 1 முறை கிளறிவிடவும். 


  .  சுவையான மிகவும் சத்துள்ள ஈரல் வறுவல் ரெடி. இதனை அப்படியே சாத்துடன் பிசைந்து சாப்பிடலாம். சாம்பார், ரசம் கூட சாப்பிட நன்றாக இருக்கும்.


கதம்ப சட்னி - Kathamba chutney - Kadamba Chutney Recipe - Sidedish for Idli / Dosai


print this page PRINT
இந்த சட்னியில் முதலில் தேங்காய் + பச்சைமிளகாயினை சேர்த்து அரைத்து கொள்ளவும்.

அத்துடன் வதக்கிய பொருட்கள் சேர்த்து கொரகொரப்பாக அரைத்து கொள்ளவும். 

சுவையான எளிதில் செய்ய கூடிய சட்னி ரெடி. நீங்களும் செய்து பார்த்துவிட்டு உங்கள் அன்பான கருத்தினை தெரிவிக்கவும்.

சட்னி செய்ய தேவைப்படும் நேரம் :8 - 10 நிமிடங்கள்
தேவையான பொருட்கள் :
  .   வெங்காயம் - 1
  .   தக்காளி - 1
  .   தேங்காய் - 1 பெரிய துண்டு
  .   பச்சை மிளகாய் - 3
  .   கொத்தமல்லி - சிறிதளவு
  .   இஞ்சி - சிறிய துண்டு
  .   உப்பு - தேவையான அளவு

முதலில் தாளிக்க :
  .   எண்ணெய் - 1 மேஜை கரண்டி
  .   கடுகு, உளுத்தம்பருப்பு - தாளிக்க
  .   கருவேப்பிலை - 5 இலை



செய்முறை :
.  வெங்காயம் + தக்காளியினை பெரிய துண்டுகளாக வெட்டி வைக்கவும். கடாயில் 1 தே.கரண்டி எண்ணெய் ஊற்றி வெங்காயம் + தக்காளியினை வதக்கி கொள்ளவும்.

.  மிக்ஸியில் தேங்காய் + பச்சைமிளகாய் + இஞ்சி + சிறிது தண்ணீர் சேர்த்து மைய அரைத்து கொள்ளவும். 


.  இத்துடன் வதக்கிய வெங்காயம் + தக்காளி சேர்த்து Pulse Modeயில் 2 - 3 முறை அடித்து கொள்ளவும்.

.  அத்துடன் கொத்தமல்லி சேர்த்து மேலும் Pulse Modeயில் 1 - 2 முறை அடித்து கொள்ளவும்.


.  தாளிக்க கொடுத்துள்ள பொருட்களை தாளித்து சட்னியில் சேர்க்கவும். அத்துடன் தேவையான அளவு உப்பு சேர்த்து கொள்ளவும்.

.  சுவையான சத்தான சட்னி ரெடி. இதனை இட்லி, தோசையுடன் சேர்த்து சாப்பிட சூப்பராக இருக்கும்.


ஆந்திரா மாங்காய் கத்திரிக்காய் பருப்பு - Andhra Mango Brinjal Paruppu Recipe - Mango Dal - No Onion No Garlic Recipe


print this page PRINT
எளிதில் செய்ய கூடிய சத்தான மாங்காய் பருப்பு... 

மிகவும் Mildஆக இருக்கும். இதில் மாங்காயுடன் சேர்த்து கண்டிப்பாக கத்திக்காயினை சேர்த்து செய்ய வேண்டும்.

கத்திரிக்காயினை கண்டிப்பாக சேர்க்கவும். கத்திரிக்காய் சேர்க்கவில்லை என்றால் சுவையில் வித்தியசாம் இருக்கும்.

நீங்களும் செய்து பார்த்துவிட்டு உங்கள் கருத்தினை தெரிவிக்கவும்...நன்றி Sreelakshmi 

சமைக்க தேவைப்படும் நேரம் : 15 - 20 நிமிடங்கள்
தேவையான பொருட்கள் :
  .  துவரம் பருப்பு - 1 கப்
  .  மாங்காய் - 1 Medium Size
  .  கத்திரிக்காய் - 100 கிராம்
  .  பச்சை மிளகாய் - 3

சேர்க்க வேண்டிய தூள் வகைகள் :
  .  மஞ்சள் தூள் - 1/4 தே.கரண்டி
  .  மிளகாய் தூள் - 1/2 தே.கரண்டி
  .  உப்பு - தேவையான அளவு

கடைசியில் தாளிக்க :
  .  எண்ணெய் - 1 மேஜை கரண்டி
  .  கடுகு, சீரகம் - தாளிக்க
  .  பெருங்காயம் - 1/8 தே.கரண்டி
  .  காய்ந்த மிளகாய் - 1
  .  கருவேப்பிலை - 5 இலை


செய்முறை :
  .  பருப்பினை கழுவி 2 + 1/2 கப் தண்ணீர் சேர்த்து ஊறவைத்து கொள்ளவும்.

  .  மாங்காய் + கத்திரிக்காயினை Medium Size துண்டுகளாக நறுக்கி வைக்கவும்.


  .  மாங்காய் + கத்திரிக்காய் + பச்சை மிளகாயினை ஒரு தனி பாத்திரத்தில் வைக்கவும். (கவனிக்க :  இந்த பாத்திரத்தில்  தண்ணீர் எதுவும் சேர்க்க வேண்டாம். )

  .  பிரஸர் குக்கரில் பருப்புடன் சேர்க்க கொடுத்துள்ள தூள் வகைகள் சேர்த்து கொள்ளவும். அதில் அந்த பாத்திரத்தினையும் வைத்து மூடி 4 - 5 விசில் வரும் வரை வேகவிடவும்.


  .  பிரஸர் குக்கரில்.  மாங்காய் வேகவைத்த பாத்திரத்தினை மட்டும் வெளியில் எடுத்து கொண்டு தனியாக வைத்து, பருப்பினை மட்டும் நன்றாக மசித்து கொள்ளவும். (கவனிக்க : மாங்காயினை மசிக்க கூடாது. )

  .  தாளிக்க கொடுத்துள்ள பொருட்களை தாளித்து பருப்புடன் சேர்க்கவும். 

  .  அத்துடன் வேகவைத்த மாங்காய் கத்திரிககயினை சேர்த்து 1 - 2 முறை கிளறிவிடவும்.(விரும்பினால் சிறிது சூடான தண்ணீர் சேர்த்து கொள்ளலாம். )


  .  சுவையான சத்தான மாங்காய் பருப்பு ரெடி.இதனை சாத்துடன் சிறிது நெய் சேர்த்து பிசைந்து சாப்பிட நன்றாக இருக்கும். இத்துடன் எதாவது வறுவல், ஊறுகாய் அல்லது அப்பளம் சேர்த்து சாப்பிடலாம்.



பள்ளிபாளையம் சிக்கன் பிரியாணி - Pallipalayam Chicken Biryani Recipe


print this page PRINT

இந்த சிக்கன் பிரியாணியில்,
  .  காரத்திற்கு வெரும் பச்சை மிளகாய் மட்டுமே சேர்க்க வேண்டும். மிளகாய் தூள் சேர்க்க கூடாது. அதனால் அவரவர் காரத்திற்கு ஏற்ப பச்சை மிளகாயினை சேர்த்து கொள்ளவும்.

  .  இதில் கசகசாவினை பொடித்து சேர்க்கவும்.  இந்த பிரியாணியில் தக்காளி,    தயிர், எலுமிச்சை சாறு எதுவும் சேர்க்க தேவையில்லை. 

  .  தேங்காய் பால் சேர்த்து செய்வதால் கூடுதல் சுவையுடன் இருக்கும். 1 கப் அரிசி என்றால 1/2 கப் - 1 கப் தேங்காய் பால் சேர்த்து கொள்ளலாம். தேங்காய் பாலினை அதிகம் சேர்க்க வேண்டாம். அதே மாதிரி தேங்காய் பால் சேர்க்காமல் செய்தால் நன்றாக தான் இருக்கும். ஆனால் கண்டிப்பாக கசகசா சேர்க்கவும்.

நீங்களும்    செய்து பார்த்துவிட்டு உங்கள் அன்பான கருத்தினை தெரிவிக்கவும். நன்றி மலர்.

சமைக்க தேவைப்படும் நேரம் : 30 நிமிடங்கள்
தேவையான பொருட்கள் :
  .  சிக்கன் - 1/4  கிலோ
  .  பாஸ்மதி அரிசி - 2 கப்
  .  வெங்காயம் - 1 பெரியது
  .  இஞ்சி பூண்டு விழுது - 1 மேஜை கரண்டி
  .  புதினா, கொத்தமல்லி - சிறிதளவு
  .  பச்சை மிளகாய் - 4
  .  தேங்காய் பால் - 2 கப்

பொடித்து கொள்ள :
  .  கசகசா - 1 மேஜை கரண்டி

சேர்க்க வேண்டிய  தூள் வகைகள் :
  .  மஞ்சள் தூள் - 1/2 தே.கரண்டி
  .  பிரியாணி மசாலா தூள் - 1/2 தே.கரண்டி
  .  உப்பு - தேவையான அளவு

முதலில் தாளிக்க :
  .  எண்ணெய் - 2 மேஜை கரண்டி
  .  பட்டை, கிராம்பு  - 1 , ஏலக்காய் - 1
  .  பிரியாணி இலை - 1


செய்முறை :
.  வெங்காயத்தினை நீளமான மெல்லிய துண்டுகளாக வெட்டி வைக்கவும். பச்சை மிளகாயினை இரண்டாக கீறி கொள்ளவும்.

.  பாஸ்மதி அரிசியினை தண்ணீரில் ஊறவைத்து கொள்ளவும். கசகசாவினை மிக்ஸியில் போட்டு மைய பொடித்து வைக்கவும்.



.  சிக்கனை சுத்தம் செய்து சிறிய துண்டுகளாக வெட்டி வைக்கவும். சிக்கனை பிரியாணி மசாலா + மஞ்சள் தூள் சேர்த்து 5 - 10 நிமிடங்கள் ஊறவைத்து கொள்ளவும்.

.  பிரஸர் குக்கரில் எண்ணெய் ஊற்றி தாளிக்க கொடுத்துள்ள பொருட்கள் சேர்த்து தாளித்து கொள்ளவும்.


.  இத்துடன் வெங்காயம் சேர்த்து வதக்கவும்.


.  வெங்காயம் சிறிது வதங்கியதும், அத்துடன் இஞ்சி பூண்டு விழுது சேர்த்து வதக்கவும்.


.  அத்துடன் பச்சை மிளகாய் + புதினா, கொத்தமல்லி சேர்த்து வதக்கவும், 


.  ஊறவைத்த சிக்கனை இத்துடன் சேர்த்து நன்றாக கிளறி வேகவிடவும்.


.  சிக்கன் பாதி வெந்த பிறகு அத்துடன் பொடித்த கசகசா சேர்த்து வதக்கவும்.


.  அத்துடன் ஊற வைத்த அரிசி + தேங்காய் பால் + தேவையான அளவு உப்பு +1 1/2 கப் -  2 கப் தண்ணீர் சேர்த்து கலந்து 1 விசில் வரும் வரை மிதமான தீயில் வேகவிடவும்.


.  பிரஸர் குக்கரில் விசில் அடங்கியதும் பிரியாணியில் 1 தே.கரண்டி நெய் சேர்த்து ஒரு முறை பக்குவமாக கிளறிவிடவும்.


.  சுவையான பிரியாணி ரெடி. இதனை தயிர் பச்சடி, முட்டை, கத்திரிக்காய் மசாலா சேர்த்து சாப்பிட சுவையாக இருக்கும்.

Linking this post to "Friendship 5 series" started by Geetha Achal & Savitha...


ஆட்டுகால் பாயா - Aattu Kaal Paya Recipe - Guest Post by Savitha Ramesh


print this page PRINT

என்னுடைய தோழி, சவிதா ரமேஷ் இதனை Guest Postயிற்காக செய்து கொடுத்தாங்க.

சவிதா Non-veg வகையினை ரொம்ப சூப்பராக செய்வாங்க..நான் மட்டன் செய்வதில்லை என்பதால் அவங்களிடன் மட்டன் Recipeயினை தான் கேட்டேன். உடனே எனக்காக இந்த ரெஸிபி செய்து கொடுத்தாங்க..

அவங்க ப்ளாகில் நிறைய Non-veg Recipes & Baking Recipes இருக்கும். 

மிகவும் சுவையான இந்த ஆட்டு கால் பாயாவினை நீங்களும் செய்து பார்த்துவிட்டு உங்கள் அன்பான கருத்தினை தெரிவிகக்வும். நன்றி சவிதா...

சமைக்க தேவைப்படும் நேரம் : 30 நிமிடங்கள்
பிரஸர் குக்கரில் வேகவைத்து கொள்ள தேவையான பொருட்கள் :
  .   ஆட்டு கால் - 1/2 கிலோ
  .   மஞ்சள் தூள் - 1/2 தே.கரண்டி
  .   மிளகாய் தூள் - 2 மேஜை கரண்டி
  .   தனியா தூள் - 1 மேஜை கரண்டி
  .   இஞ்சி பூண்டு விழுது - 1 தே.கரண்டி
  .   எண்ணெய் - 1 மேஜை கரண்டி
  .   தண்ணீர் - தேவையான அளவு

குழம்பு செய்ய :
  .   எண்ணெய் - 1 தே.கரண்டி
  .   சோம்பு - 1/2 தே.கரண்டி, கருவேப்பிலை - 10 இலை
  .   வெங்காயம் - 1
  .   தக்காளி - 2
  .   பச்சைமிளகாய் - 2
  .   இஞ்சி பூண்டு விழுது - 1 தே.கரண்டி
  .   மிளகு தூள் -சிறிதளவு
  .   உப்பு - தேவையான அளவு

அரைத்து கொள்ள :
  .   தேங்காய் - 2 துண்டுகள்

செய்முறை :
.   எலும்பினை நன்றாக கழுவி கொள்ளவும். சூடான தணலில் ஒவ்வொரு கால் எடுத்து சூட்டு கொள்ளவும். (கவனிக்க : கண்டிப்பாக இந்த Stepயினை Follow செய்யவும். இப்படி காலினை சூடுவதால் எதாவது எலும்பில் முடி ஓட்டி கொண்டு இருந்தால் போய்விடும். )


.   பிரஸர் குக்கரில் 1 தே.கரண்டி எண்ணெய் ஊற்றி இஞ்சி பூண்டு விழுது சேர்த்து வதக்கவும்.

.   அத்துடன் சூட்டு வைத்துள்ள கால் + மஞ்சள் தூள் + மிளகாய் தூள் + தனியா தூள் + தேவையான அளவு தண்ணீர் ஊற்றி  3 - 4 விசில் வரும் வரை வேகவிடவும். 



.   தேங்காயினை மிக்ஸியில் போட்டு மைய அரைத்து கொள்ளவும். 

.   பிரஸர் குக்கரில் விசில் அடங்கும் சமயம், ஒரு கடாயில் எண்ணெய் ஊற்றி சோம்பு + கருவேப்பிலை சேர்த்து தாளித்து கொள்ளவும்.

.   அதில் வெங்காயம் சேர்த்து வதக்கவும். வெங்காயம் சிறிது வதங்கியதும் அதில் இஞ்சி பூண்டு விழுது சேர்த்து வதக்கவும்.


.   பிறகு தக்காளி + பச்சை மிளகாய் சேர்த்து நன்றாக வதக்கவும். 

.   இப்பொழுது இதில் வேகவைத்துள்ள எலும்பினை சேர்த்து கொள்ளவும்.

.   அத்துடன் அரைத்த தேங்காய் விழுது + மிளகு தூள் + தேவையான அளவு உப்பு சேர்த்து தட்டு போட்டு மூடி கொதிக்கவிடவும்.


.   குழம்பில் இருந்து எண்ணெய் பிரிந்து வரும் வரை வேகவிடவும். 

.   சுவையான ஆட்டு கால் பாயா ரெடி. இதனை இடியாப்பம், இட்லி, தோசையுடன் சேர்த்து சாப்பிட மிகவும் சூப்பராக இருக்கும்.


Related Posts Plugin for WordPress, Blogger...